Сізге тәжірибе жинау керек
Жолаушы тасымалдау үшін кемінде 1 жыл өтіл қажет — бұл ереже талабы. Бірақ қазір сіз посылка жеткізіп, табыс табып, өтіл жинай аласыз. Бұл — жолдың басы!
Қош келдіңіз!
Сіз іске кірістіңіз! Әрі қарай не?
Егер жүргізуші куәлігі әлі жоқ болса:
01
Бейнесабақтардан бастаңыз
Платформа материалдарына лезде қол жеткізу
Жол қауіпсіздігі туралы бейнелерді өз қарқыныңызда қараңыз
02
Бағдарламаға өтінім беріңіз
Стипендия үшін барлығын рәсімдеңіз
Ол автомектепте нөлден оқуды жабады — тез әрі оңай жасалады
03
Автомектепте оқуға дайындалыңыз
Анықтама алыңыз — қабылдану үшін қажет, мектепте тексеруден қалай өтуді айтады
04
Құжат алуға дайындалыңыз — мектепке түсіңіз
Тексерілген нұсқаушылардан үйреніңіз, теория мен практикадан өтіңіз
05
Жүргізуші куәлігін алыңыз
Емтихандарды тапсырыңыз — сіздің дайындалуыңызға көмектесеміз
06
inDrive жеткізу қызметімен табысыңызды арттырыңыз
- Автокөлік таңдаңыз — тексерілген серіктестерден жалдау немесе сатып алу нұсқаларын табуға көмектесеміз
- Желіге шығыңыз — тапсырыстарды бірден алыңыз
Сұрақтарыңыз бар ма?
А трегі — Курьерлік жеткізу
А трегі кімге арналған?
Жүргізуші болғысы келетін, бірақ әзірге жүргізуші куәлігі жоқ әйелдерге арналған.
Жеткізу бағдарламасы нені қамтиды?
Ол мыналарды қамтиды:
- Аккредиттелген автомектепте теорияны тегін оқыту;
- Тәжірибелі нұсқаушымен тегін практикалық жүргізу сабақтары;
- Емтихандар мен куәлік үшін мемлекеттік баждарды төлеуге қаржылық қолдау;
- Автокөлікті жалға алу және лизинг бойынша консультациялар;
- Қаржылық сауаттылық бойынша дәріс: табыс, салықтар, жоспарлау;
- Өзін-өзі қорғау және жеке қауіпсіздік бойынша тренинг;
- Автокөлікке негізгі күтім жасау курсы;
- Қауіпсіз жүргізу және руль артындағы сенімділік туралы бейнедәрістер;
- inDrive қосымшасымен жұмыс істеуді үйрету: тапсырыстар, маршруттар, платформа;
- inDrive-қа икемді кестемен курьер ретінде қосылу мүмкіндігі.
inDrive жүргізуді оқытудың 100%-ын төлей ме?
Иә, іріктелген қатысушылар үшін бағдарлама жүргізуді оқыту шығындарын және куәлік алу үшін қажетті медициналық тексеруді 100% жабады.
Медициналық тексеру міндетті ме?
Иә. Медициналық тексеруден өту — қаржылық қолдау алудың міндетті шарты; егер кандидат оны өтпесе, қолдау көрсетілмей және қатысу тоқтатылады.
inDrive жүргізуші куәлігін алуға кепілдік бере ме?
Жоқ. inDrive емтихандарды сәтті тапсыруға немесе куәліктің берілуіне кепілдік бере алмайды — бұл құзыретті органдарда ресми рәсімнен (медициналық тексеру, теориялық және практикалық емтихандар) өтуге байланысты.
Қаржылық қолдау нені жабады, ал нені жаппайды?
Жүргізуді оқыту мен медициналық тексеру жабылады. Оқулықтар, субсидияланатыннан тыс қосымша материалдар/модульдер, бағдарламадан тыс курстар, қорғаныс жабдығы, көлік, тұрғын үй және т.б. жеке көрсетілмесе, жабылмайды.
Қатысушы автокөлікке қалай қол жеткізеді?
Серіктестік нұсқалары арқылы — жалға алу бойынша консультациялар немесе сатып алуға/лизингке жеңілдіктер. Тек жүргізуді оқытудың негізгі курсы мен inDrive-тан қосымша курстар аяқталғаннан кейін ғана.
Куәлік алғаннан кейін не болады?
Икемді кестемен inDrive Delivery-ге (курьерлік жеткізу) онбординг.
Егер бағдарлама қазір менің кестеме сәйкес келмесе — бір айдан кейін орала аламын ба?
Жоқ, біз қатысушылар жақын арада бастай алады деп есептейміз.
Кішкентай балам болса, не істеу керек?
Мектеп аналарға теорияны онлайн өтуді ұсына алады, бірақ қауіпсіздік мақсатында практикалық сабақтарға балалар жіберілмейді.
Оқыту қай тілде жүргізіледі?
Қазақ және орыс тілдерінде.
Мектеппен мәселені шешуім керек болса, не істеймін?
Автомектеп менеджерімен +7 707 070 1680 нөмірі арқылы байланысуға болады
inDrive бағдарламасының ұйымдастырушыларымен мәселені шешуім керек болса, не істеймін?
Әсемге жүгініңіз (inDrive тарапынан бағдарламаның байланыс тұлғасы).
Жалпы сұрақтар
inDrive Qyz Joly-дың әйелдерге арналған бағдарламасы туралы
inDrive Qyz Joly (Women Behind the Wheel) — әйелдерге жүргізуді меңгеруге және оны тұрақты табыс пен қаржылық тәуелсіздік көзі ретінде пайдалануға көмектесетін халықаралық бағдарлама. Қазақстандағы пилот Астанада өтеді және 6 ай ішінде 100 қатысушыға (әр трекке 50-ден) есептелген.
Қатысу ақылы ма?
Жоқ, бағдарламаға қатысу тегін, ерікті және саналы түрде.
Тіркелу бағдарламаға қатысуға кепілдік бере ме?
Жоқ. Тіркелу — бұл тек өтінім беру. Қатысушы мәртебесі Ұйымдастырушының критерийлері бойынша іріктеуден кейін беріледі (тіркелу кезектілігі, деректердің толықтығы мен дұрыстығы, басым өмірлік жағдайлар, мотивация және өтінімнің сапасы).
Тректерге бөлу қалай жүреді?
Тіркелгеннен кейін кандидат қысқа диагностикадан өтеді (куәліктің болуы, жүргізу тәжірибесі, автокөлікке қолжетімділік, уақыт бойынша қолжетімділік). Куәлігі жоқ — А трегі (Жеткізу); қолданыстағы куәлігі және 1 жылдан асқан өтілі бар — В трегі (Жолаушылар тасымалы).
inDrive-пен еңбек қатынастары туындай ма?
Жоқ. inDrive — тәуелсіз орындаушыларды клиенттермен байланыстыратын платформа. Бағдарламаға қатысу және қосымша арқылы жұмыс істеу қатысушы мен inDrive арасында еңбек, әкімшілік немесе агенттік қатынастар туғызбайды.
Қатысушылардың дербес деректері қалай пайдаланылады?
Деректер ҚР-ның дербес деректерді қорғау туралы заңнамасына және Ұйымдастырушының Құпиялылық саясатына сәйкес өңделеді; жарнамалық/маркетингтік хабарламалар тек жеке айқын келісім болған жағдайда ғана жіберіледі.
Фото/бейне/пікірлерді пайдалануға келісім қажет пе?
Иә, қатысушының бейнесін, дауысын, атын немесе пікірін жарнамалық мақсатта пайдалану оның алдын ала берілген айқын келісімін талап етеді, оны кері қайтарып алуға болады (бұрын жарияланған материалдарға зардабы тимейді).
Куәлігім бар, бірақ куәлік алғаннан кейін жүргізбеген болсам, не істеймін?
Өкінішке орай, қазір біз қолайлы нұсқа ұсына алмаймыз: нөлден оқыту трегіне (А трегі) куәлігі бар кандидатты тіркеуге болмайды — Автомектеп ондайларды қабылдамайды; ал В трегі (қолданыстағы жүргізушілерге арналған) теориялық оқытуды қамтымайды — тек практикалық қана.
Курстардан өткеннен кейін міндетті «жұмыспен өтеу» бар ма?
Жоқ. Біз түлектерді inDrive платформасында жүргізуші немесе автокурьер ретінде тіркелуге міндеттемейміз — бұл шешім толығымен өзіңізге қалады. Бірақ біз әрқашан сізді бастапқы кезеңде қолдауға дайынбыз: ол үшін бізде жаңа кәсіпке жайлап кірісуге көмектесетін ыңғайлы пост-бағдарлама бар. Біз бағдарламамыз сіз үшін тұрақты табыс пен қаржылық тәуелсіздік көзін табуға маңызды қадам болады деп шын жүректен үміттенеміз.